32 m2

Mar e Xan son unha parella fóra do común, coma todas. Viven tan tranquilamente no seu pisiño de 32m2. A vida pasa e o mundo xira, volta e volta, coma un filete. Pero un día, o mundo esmendréllase. O que era unha Nación convértese nunha HiberNación e hai que facer todo o que di Simón. Mar non recoñece a súa vida. Xan non recoñece a súa parella. O mundo redúcese a catro paredes. e xa ninguén entende nada. “32m2” é un enredo co que todo o públco se poderá sentir identificado, pois todos mercamos un chisco máis de papel hixiénico do habitual e todos tivemos que acabar por levantar as nosas propias alfombrs para descubrir a merda que tiñamos debaixo dos pés.