O día que lle puxen lume á librería de vello

Un escritor fracasado do sistemiñaTM, un auténtico anacoreta que rexenta un tugurio da zona vella de Santiago, atópase detido na Audiencia Nacional de Madrid acusado de terrorismo por motivos que ignora. Disposto a colaborar, comeza redactar unha confesión que, lonxe de responder ao que procuran os seus interrogadores, se converte nun axuste de contas literario. Namentres, fóra, un escrito seu que apenas lembra ameaza con tirar abaixo todas as estruturas do Estado. A novela de literatura que máis antes que despois acaban por escribir todos os perdedores.