A nai sombra

Namorado dunha misteriosa moza que coñecera onda o mar,

o protagonista desta adaptación de varias lendas da cultura selkie

-vencellada a criaturas mitolóxicas acuáticas con raigame

en Irlanda, Escocia, Islandia e as illas Feroe- toma a súa sombra

para evitar que esta o abandone. Pasado o tempo, o fillo

de ambos descubrirá un antigo cofre que lle pertencera ao seu pai

na súa época de navegante; o tesouro que contén determinará

o seu futuro.

O amor e a nostalxia están presentes neste texto de palabras

engaiolantes directas; unha historia soñadora, de sabor agridoce

pero de intensa beleza. Humanos, peixes e outros seres

fantásticos superpóñense e fusiónanse sen límites

nunhas ilustracións hipnóticas e de sobrio colorido,

de rotunda expresividade e atmosfera portentosa.