Enredados

Conectados a diario cos nosos aparellos tecnolóxicos, contamos de nós máis que nunca. Escribimos en foros, chats, blogs… as nosas versións do que nos ocorre. Enredados é un libro de ciber-relatos e textos dixitais escritos sobre relacións interpersoais –sexuais ou sentimentais– que comezan a través de webs e aplicacións de citas de parellas. Os personaxes dannos versións distintas –ás veces opostas– dos feitos, o que permitirá a quen lea coñecer e valorar cada suceso, sexa cómico, dramático ou traxicómico, tal como a vida.