Catro relatos curtos de Deus

Catro relatos curtos de Deus está escrito dende o corazón, con agarimo. A linguaxe tenta chegar aos lectores dunha maneira sinxela, entretida, amena, empregando verbas de doada comprensión. O autor empeza narrando a súa propia vida, pois considera que quen teña a ben somerxerse nestas páxinas, ten dereito a saber de onde vén, que lle aconteceu, cal foi a historia que o trouxo ata aquí. "Feitizo de lúa" é ese relato que, de seguro, se asemella ao doutra moita xente do común.