Nao cetácea

Nao Cetácea é un achegamento visual, poético e narrativo aos nosos mares, ao patrimonio marítimo e a biodiveridade mariña do litoral, con especial énfase no mundo dos cetáceos, eses seres míticos que volven aproximarse ás rías galegas.

Un libro de acuarelas realizadas por un patrón de pesca e mariñeiro galego, nas que os barcos se transforman nos seres que conforman o seu espírito, mesmo bnos peixes que capturan. Unha homenaxe ao mar aos devanceiros e aos mariñeiros que faenaron e aínda continúan a facelo nesta dura e fermosa costa atlántica e cantábrica.